Kursusaanbod
Frysk skriuwen: mear fertrouwen, mear mooglikheden!
Wolle jo as learkrêft better wurde yn it Frysk skriuwen? Miskien fine jo it no noch dreech, mar mei dizze kursus krije jo it skriuwen sa yn ‘e fingers! Jo kinne Frysk al prate en ferstean, no is it tiid om it ek mei fertrouwen te skriuwen.
Yn in praktyske en tagonklike kursus leare jo stap foar stap hoe’t jo Fryske teksten skriuwe kinne. Mei help fan in dúdlik lesboek, in digitale learomjouwing en groepslessen fan betûfte dosinten, sille jo sjen dat it Frysk skriuwen hielendal net sa yngewikkeld is.
Dizze kursus is foar elkenien dy’t har Fryske taalfeardigens fersterkje wol. Brûk it yn it ûnderwiis, yn kontakt mei âlden of gewoan foar josels!
Foardielen fan de kursus
✔ Leare yn eigen tempo en yn in stipejende groep
✔ Fanút de praktyk: fuortendaliks tapasber yn it deistich wurk
✔ Mear fertrouwen yn it skriuwen fan Frysk
Kursussen
De basiskursus bestiet út 11 lessen. Der is in wurkboek en in digitale learomjouwing. Do kinst kieze foar in groepskursus of in selsstudzje. Klik hjir foar mear ynforaasje: https://kursus.afuk.frl/particulier/skriuwen/basis
De ferfolchkrusus bestiet út 10 lessen. Der is in wurkboek en in digitale learomjouwing. Do kinst kieze foar in groepskursus of in selsstudzje.Klik hjir foar mear ynforaasje: https://kursus.afuk.frl/particulier/skriuwen/ferfolch
Dielnimme oan it eksamen is net ferplichte. It eksamen wurdt hâlden yn Ljouwert
Oanmelde
Wolst as KyK'er gebrûk meitsje fan dit oanbod? Meld dy dan oan troch in mail te stjoeren nei Mare mei dyn folsleine namme en de KyK-skoalle dêr’tst wurkst: mare.leegte@kykscholen.nl
Dêrnei krijst fierdere ynformaasje tastjoerd.
Tink derom: meld dy net oan fia de webside fan Afûk. As’st dy oanmeldst fia KyK, kinst de kursussen fergees folgje.